TACLOBAN CITY – Lauman an pag-umento hiton presyo ha mga produkto han karne yana nga tipaarabot nga holiday season.
Sumala kan Hon. Colai Go Information Officer TFCCCI/ Chairman Brgy. 41 Tacloban City, mahitungod nga in-demand mangud iton produkto hiton karne kun tikaharani iton kapaskuhan madagmit nga naaubos iton suplay hine samtang nagtitikahitaas hiton demand, sanglit nagpahimatngun ine ha publiko nga lauman iton pagsaka hiton presyo ha mga meat products, sugad nala hiton hamon, manok, baboy ngan baka.
Eksplikar pa ni Go, nga dire angay kabarak-an ine han mga kunsominador mahitungod nga temporaryo la iton paghitaas ngan nabalik ha anay nga presyo hine iton mga produkto hiton karne kahuman an peak demand season hine.
Samtang, naglalaum naman hi Go, nga kun maypaghitaas man ha mga produkto hiton karne ngan iba pa nga noche buena items in dire ine sugad kahitaas an presyo agud nga dire makurian ha pag-badget an mga konsumidor.
