NATIONAL – Nahipatik han Philippine Coconut Authority nga humamubo hin 20% an produksyon han lubi ha nasud yana nga tuig, dara han grabe nga katsirak dara han El Nino dida han siyahan nga kwarter han 2023 ngan magkasurunod nga bagyo dida han 2024.
Sumala kan Luz Brenda Balibrea han PCA, naapektaran gihapon an produksyon han coconut oil nga humamubo pa hin 15%.
Bisan man may paghamubo, nagpapabilin nga ikaduha an Pilipinas ha pinakadako nga prodyuser han lubi ha bug-os nga kalibutan.
Dugang ni Balibea, dire la an PH an nakakaabat hin kakulangan mahitungod apektado gihapon an pankalibutan nga suplay han mga vegetable oil.
Kumo solusyon, ginduduso han PCA an pagtatanum ngan replanting han mga lubi. Target han Marcos administration nga makagtanom hin 100M nga puno han lubi, kun diin, 8.5M an natanum na dida han nakalabay nga tuig ngan 25M pa an target yana nga 2025.
