TACLOBAN CITY – Ginpahayag han Department of Health (DOH) Regional Office 8 nga an probinsya han Biliran an nagpapabilin nga may pinakahitaas nga vaccination coverage ha bug-os nga rehiyon.
Sumala kan Jelyn Lopez-Malibago, Information Officer han DOH Regional Office 8, an Biliran an nangunguna ha vaccination rate ha ihap han mga fully vaccinated ngan ihap han mga indibidwal nga mayda at least one dose nga naiturok.
Nasunod naman hini an Tacloban City, Ormoc City, Eastern Samar, Samar ngan Northern Samar.
Ginpahayag gihapon han mao nga opisyal nga padayon an ira ginbubuhat nga assessment ngan mga pitad agud nga mabuligan ngan masuportahan an Northern Samar nga may pinakahabubo nga vaccination rate.
An Northern Samar manggud an probinsya ha rehiyon nga may pinakadamo nga geographically isolated areas kun diin makuri an pagpasulod han mga bakuna.
