-- Advertisements --
TACLOBAN CITY – Waray pa may naitatala ha pagkayana an Police Regional Office 8 nga mga election related incidents ha kaluyo naman han mga insidente hin pamatay ha pira nga lugar ha Samar.
Sumala kan PLtCol Ma. Bella Rentuaya, Information Officer han PRO-Vlll, an natatabo nga mga insidente ha pira nga parte han Samar in bahin hiton kriminalidad ngan deri election related.
Padayon naman an augmentation han PRO 8 hin mga kapulisan ha may Samar area agud makaghatag hin kamurayawan labi na nga damo an natatabo nga pamatay ha mao nga lugar.
Samtang, nagpapadayon gihapon an COMELEC Checkpoints para hiton pangandaman han kahimyang han tidaraon nga May 2022 Local ngan National elections.
