TACLOBAN CITY – Ginpahibaro han Prime Water Leyte Metro nga mayda hira yana ginpapatuman nga bag-o nga skema kasumpay na gihapon hiton na-aabat nga kakulangan han suplay hiton tubig ha syudad han Tacloban.
Sumala kan John Paul Go, Public Infromationa Officer han Prime Water Leyte Metro Tacloban, nga ine in agud nga matagan in panahon an tanan nga mga konsumidor nga makag-tirok hin tubig.
An mao nga skema in ginpapatuman han ira buhatan kinada alas 4 hiton maagahon ngada ha alas 12 hiton udto magkakamayda hin suplay hin tubig ha ira mga gripo, kun diin ine nga mga ka-orason pwede an mga konsumedor makag-salod hiton tubig nga ira gagamiton ha bug-os nga adlaw.
Ine nga pitad in agud nga mabatag-batag an suplay hiton tubig ha tanan nga mga konsumidor ha syudad ilabi na yana nga nagtitikang na an summer season.
