INTERNATIONAL – Gin-eskortan han rebelde nga grupo nga Hayat Tahrir al-Sham (HTS) hi Syrian Prime Minister Mohammed Ghazi Jalali tipagawas han iya opisina tipakadto ha usa nga hotel ha Damascus para ha pagbalyo hin otoridad.
Ine in mahuman nga masulod han rebelde nga grupo an presidential palace ngan napatalsik hi Syrian President Bashar al Assad nga pumalagiw kaupod an iya pamilya ngan nangaro hin asylum ha kaalyado hine nga Russia.
Ha usa nga video statement han Syrian PM, igin-pahayag hine nga andam niya igtubyan an gobyerno ha hin-o man nga bag-o nga lider para han mamurayaw nga transition mahuman ig-deklarar han rebelde nga grupo nga nasakop ngan nakontrol na nira an kapital han Damascus ngan napatalsik hi President al Assad.
Samtang, ha panig naman han rebelde nga grupo, igin-pahayag hine nga padayon pa nira nga gintatrabaho an pagkumpleto ha pagbalyu han otoridad han Syria ha usa nga transitional governing body nga may full executive powers.
Kasumpay hine in nagrisyo an rebelde nga grupo ngan mga molupyo han Syria mahuman nga mapatalsik ha pwesto ha rehimen an pamilya Assad.
