TACLOBAN CITY – Nakatalaan nga magtapos yana nga bulan an prize freeze nga ginpatuman ha bug-os nga Sinirangan Bisayas mahitungod han pagdedeklara han State of Calamity ha rehiyon durot han naglabay nga bagyong Odette.
Sumala kan Eleanor Etulle, Division Chief han Consumers Protection Division han DTI Regional Office 8, ha pagkayana in ginpapamulat pa nira an magiging pronouncement han presidente nga asya nagdeklara han state of calamity ngan price freeze ha ngatanan nga mga panguna nga papliton ha rehiyon.
Ginlalauman nga yana nga kabutngaan han bulan han Pebrero matatapos an 60 diyas han price freeze.
Ginlalauman gihapon nga mahuman ini in igpapatuman na an bag-o nga Suggested Retail Price (SRP) han DTI kun diin nagkaada hin paghitaas han presyo han mga papliton sugad nala han pira nga canned goods.
Ha kaluyo hini, in ginsiguro naman han DTI ha publiko o ha mga konsumidor nga waray sadang nga igkabaraka tungod nga dire sugad kahitaas an price increase ngan dire tanan nga produkto in nagkaada hin paghitaas han presyo.
