TACLOBAN CITY – May pag-ubos an presyo hiton lokal nga bugas ha mga merkado ha kaluyo han paglabay han bagyong Kristine.
Sumala kan Grains Retailers Confederation (GReCon) Eastern Visayas President, Frederick Dy, ine in mahitungod nga waray manggud kaapektari hin duro an mga humayan ha Sinirangan Bisayas mahitungod nga ugsa lumabay an bagyo in nakapan-harvest na an kaurugan han mga parag-uma.
Dugang pa hine, ada na ha 3/4 way o sobra na katunga an nagka-haharvest han mga human sanglit dire gud apektado an lokal nga produksyon han humay ha rehiyon.
Ha pagkayana, an pamresyuhan han lokal ng bugas in ada ha P2,250 ngada ha P2,280 kada sako, samtang ada naman ha P50 an presyo han kada kilo han local rice.
Samtang, mayda naman pag-umento ha pamresyuhan han imported nga bugas kun diin ada ha P2,400 ngada ha P2,450 an presyo han kada sako hine.
