-- Advertisements --
TACLOBAN CITY– Ginkakalipay nga igpahibaro han buhatan hiton Philippine Coconut Authority Regional Office Vlll, ha mga parag-uma hiton lubi nga hitaas yana iton farmgate price han lugit ha bug-os nga Sinirangan Bisayas.
Sumala kan Philippine Coconut Authority Regional Office Vlll, Regional Manager
Joel Pilapil, nadalagan ha P29-36 per kilo an presyo yana hiton lugit.
Dugang pa hine, nadalagan naman ha P46-53 per kilo an millgate price han lugit kun ine in gindedeliver na ha mga planta.
Karuyag sidngon, ha pagkayana nadalagan ha P49 per kilo an presyo han lugit ha rehiyon.
Ginpaangbit pa ni Pilapil, nga maupay ine nga indikasyon para ha mga copra famers.
