-- Advertisements --
NATIONAL – Igin pahayag han Philippine Statistics Authority (PSA) nga mayda pag-umento ha presyo han pipira nga mga pangunahon nga papliton ha nasud ngada ha katapusan han bulan hiton Hunyo.
Basar ha pinakaurhi nga monitoring han ahensya, nakitaan hin umento ha presyo an karne han baboy, luy-a, ngan sugad man an presyo han kamatis.
Nagawas nga P2 an igin-umento ha kada kilo han presyo han baboy, kun diin tikang ha P303.76 in aada na ine yana ha P305.30.
An retail price han kamatis in nakitaan naman hin haros P10 pesos nga umento.
Para naman ha produkto nga luy-a nga pira na kasemana nga ginbabantayan han Department of Agriculture (DA), in sumaka na ha P200.88 an kada kilo hine ha katapusan han Hunyo tikang ha anay P185.87 kada kilo.
