TACLOBAN CITY – Gintutuohan han Department of Trade and Industry DTI-8 nga an presyo han mga raw materials ngan logistics cost o an presyo han transportasyon han mga produkto an pira han mga ginkikita nga rason han paghitaas han presyo han pira nga mga produkto.
Sumala kan Aivi Borbon-Ancheta, Information Officer hiton Department of Trade and Industry (DTI) Regional Office 8, hitaas na an presyo han mga materyales sugad hiton lata ha world market kun diin usa ine ha mga gin iimport hiton nasod mahitungod nga waray manufacturer o paraghimo hin lata ha aton nasod.
Mababaruan nga hitaas an nagigin bayad han paghimo han mga ine ha sulod han aton nasod.
Kalakip an gasolina ha rason han paghitaas han presyo han pira nga papliton kun diin bisan mayda mga pag-ubos han presyo hine in hitaas la gihapon an sukot han pagdara han mga produkto.
