TACLOBAN CITY – Ginpahibaro han Department of Trade and Industry (DTI) Region 8, nga waray pa pag-umento ha presyo han Noche Buena items dinhe ha rehiyon.
Sumala kan Eleanor Etulle Chief Consumer Protection Division han DTI Regional Office Vlll, nga waray pa nira bag-o nga Sugessted Reatil Price (SRP), ngan giya ha mga nasabi nga papliton para yana nga tuig, ngan an price guide para ha mga noche buena items han nakalabay pa iton gingagamit.
Dugang pa ni Etulle, nga lauman naman iton gutiay nga paghitaas hiton pamresyuhan han nasabi nga papliton mahitungod hiton holiday season, nga kun diin damo iton demand kaysa ha suplay ngan an hangyo nga kadugangan gihapon nga presyo han mga manufacturers ha ira mga produkto.
Hapagkayana in daw paghihisgutan pa ine ha ira head office, kun tutugutan ba an hangyo hiton mga manufacturers an nasabi nnga kadugangan presyo.
