TACLOBAN CITY- Ginpangbit hiton Department of Agriculture Region 8, nga pira nga mga suplay hiton agricultural products ha merkado namag-umento, matungod na gihapon han natabo nga mga linog han nakalabay nga semana.
Sumala kan Department of Agriculture Field Office VIII, Senior Agriculturist, Dioscoro Gasatan Jr. nga apektado an pira nga mga suplay ha rehiyon 8, partikular na an mga produkto nga gin-aangkat tikang ha Mindanao, nga nagin epesentro han makusog nga linog.
Dugang pa hine, usa gihapon nga nakabalaong ha pagkayana, an limitado nga pag-agi ha San Juanico Bridge, kun diin padayon pa ine nga ginpapaghingyad.
Purluminos P40 an igin-umento han kada kilo hiton pira nga utanon ha merkado,tikang ha anay presyo hine nga ada ha P35-40 pesos per kilo.
Usa ha mga ginpapatamakan nga rason in matungod nga gutiay iton suplay han pira nga mga utanon, nga igin-dedeliver ha pira nga mga merkado ha bug-os nga rehiyon.
