-- Advertisements --
METRO MANILA – Posible nga sumaka ha P1,500 an presyo han kada 11-kilogram nga tangke han liquefied petroleum gas (LPG) ha bulan han Abril.
Ginpahimatngun ini han LPG Marketers Association o LPGMA mahitungod ha hitaas nga presyo han shipping cost mahitungod ha limitado nga access ha Strait of Hormuz.
Dungang pa han LPGMA nga ginmaduhan han Department of Energy an mga pribado nga sektor nga magpadayon ha pagpalit han LPG bisan kun tag-pira an presyo agud mapabilin an suplay.
Manunumduman nga ginmalatumat han DOE ha Senado nga an stock han LPG ha nasud in maabot na la hin kutob 25 ka-adlaw.
Pero sumala ha grupo an inventory in insakto pa kutob 35 ngadto ha 40 ka-adlaw.
