TACLOBAN CITY – Nag-umento an presyo han lokal nga bugas mahitungod nga dire hine naaakos nga suplayan an kabug-usan.
Ine in mahitungod gihapon han kawaray angkat nga imported rice.
Sumala kan Eastern Visayas Grains Retailers Confederation President, Frederick Dy, dire pa angay ig umento an presyo han lokal nga bugas mahitungod nga dire pa human an katapusan nga harvest han humay.
Dugang pa hine, maaram an mga negosyante nga dire abuyon an pagpatuman han importation ban han bugas mahitungod nga dire ine nauyon ha sitwasyon ngan dida na ine ginpatuman kun sano mahuruman na an harvest season.
Panuyo gudman han importation ban nga mapahitaas ha presyo han humay agud makabulig ha mga parag-uma nga madugngan an ira kita.
Ha pagkayana in ada naman ha P15 ngada ha P16 an presyo han kada kilo han humay, kun diin sumala pa kan Tan, kun nag-umento man ine in gutiay la an gindugang hine.
