TACLOBAN CITY – Ginpasabot han Grains Retailers Confideration han Eastern Visayas may paghisumpay han paghitaas han presyo han kada kilo hiton humay dinhe ha rehiyon.
Sumala kan Friderick Dy, President han Grains Retailers Confideration Eastern Visayas, an presyo han humay in aada na yana ha P16-17 pesos it kada kilo mahitungod nga natikadamo na iton harvest han mga parag-uma.
Subay han mao nga opisyal, an syahan nga harvest han humay in nahipatik ha Abuyog, Leyte kun diin umabot hin P18-18.50 an kada kilo ngan yana nagtitikadamo ine na rason nga mas umubos ine.
Ginmalatumat nga dako la gihapon ine nga presyo kumpara han nakalabay nga tuig kun diin umabot la an presyo han humay hin P15 kada kilo.
Ginpaangbit pa han mao nga opisyal, nga mas daru-damo iton cropping ha syahan nga harvest hiton humay kumpara ha ikaduha nga cropping.
Dugang pa hine, nahibubo la naman iton presyo han humay kun ha panahon hit kat-uran o kun mahulos ine ngan mahitungod hiton naihahatag nga destruso hiton mga kalamidad ha agricultural products.
