TACLOBAN CITY – Hinay-hinay nga humitaas an presyo han bugas ha mga merkado publiko yana nga bulan han Marso ha Sinirangan Bisayas ini in subay han padayon nga monitoring han Department of Agriculture Regional Office – VIII.
Sumala kan Department of Agriculture Eastern Visayas Senior Agriculturist, Dioscoro Gasatan nga basar han ira monitoring, na-obserbaran nira an pag-umento han presyo han bugas dida han siyahan ngan ikaduha nga semana han Marso.
Dugang hini nga an paghitaas han presyo han bugas in mahitungod han kalidad hini, dire mangud tanan nga ginbabaligya in locally-produced, ngan an transportation costs gihapon nga durot han pag-umento han produkto han lana.
Pero sumala kan Gatasan nga an pag-saka han presyo hini in dire gud sugad kahitaas kumpara dida han nakalabay nga tuig.
Ginmalatumat naman hini nga dire kabarak-an an kakulangan han bugas mahitungod nga marig-on an suplay hini ha rehiyon.
Sumala pa kan Gatasan nga ha mga masunod nga bulan in harvest season na han lokal nga humay kun diin makakag-dugang ini ha suplay han rehiyon.
Samtang, mahugot naman nga babantayan han buhatan an presyo hini mahitungod nga posible mayda pag-umento mahitungod naman ha production ngan transportation costs.
