NATIONAL – Nagpahinumdom an Department of Agriculture (DA) nga diri angay gamiton an nagtitikaharani nga 60 ka-adlaw nga rice import ban kumo basehan para mag-umento an presyo han bugas.
Ini in mahuman nga ma-obserbaran han ahensya an paghitaas han presyo han imported nga bugas tikang ha 43 ka pesos ha 45 ka pesos kada kilo.
Sumala kan DA Spokesperson Assistant Secretary Arnel de Mesa, magigin epektibo an import ban ha Setyembre hinungdan nga waray rason an mga retailer nga pahitas-an an presyo.
Iginpatapod gihapon han opisyal nga sadang an suplay han bugas ha nasod ngan mayda ti-arabot pa nga imported rice yana nga Agosto.
Samtang, padayon naman an iginpapadangat nga bulig han ahensya ha mga lokal nga parag-uma ha nasod para makatukdaw hira ha kakuri-an.
