-- Advertisements --
TACLOBAN CITY- Malinampuson nga nakuhaan hin kontrabando an usa han mga preso ha Tacloban City Jail pinaagi han regular nga pag-inspection han mga otoridad ha detention cell.
Guinkilala an nakatalapas nga hi Bronson Esperas Nicol, 38 anyos an pangidaron, kasal ngan presente nga nakapaslak ha Tacloban City Jail- Male Dorm.
Nakuha tikang ha poder han suspek an usa ka sachet nga may sulod han guintutuuhan shabu, improvised pipe, usa nga gutiay nga timbangan ngan duha nga disposable lighter.
Naatubang naman ini ha kaso nga pagtalapas han Section 11 Art. 2, RA 9165 o possession han illegal nga droga.
