-- Advertisements --
NATIONAL – “It’s a free country”
Ini an nagin baton ni Pres. Bongbong Marcos ha pagdalagan han pamilya Duterte ha Senado.
Ha ambush interview ha Manila Hotel, ginmalatumat ni Pres. Marcos nga may katungod hira nga himuon an karuyag nira.
Mababaruan nala daw kun madadayon an plano han pamilya Duterte pagulpot han filing han certificate of candidacy ha tipaarabot nga Oktubre.
Manunumduman nga ginkumpirma ni Vice President Sara Duterte an pagdalagan ha Senado ni anay presidente Rodrigo Duterte, Davao Rep. Paolo Duterte, ngan Davao City Mayor Baste Duterte.
