NATIONAL—Mahugot nga ginbilinan ni Presidente Ferdinand Marcos Jr. an ngatanan han ahensya nga pahugtan an pagbabantay kontra ha bisan anuman nga digital threats nga maguba ha Mayo 12, 2025 midterm elections.
Sumala kan Presidential Communications Office Undersecretary and Palace Press Officer Claire Castro, mayda mahugot nga sumpayan an Commission on Elections ha Department of Information, Communications Technology (DICT), ngan Cybercrime Investigation and Coordinating Center (CICC).
Panuyo hine in agud nga masigurado an integridad han piniliay ngan atuhan an digital security concerns.
Mayda na ginhimo nga real-time digital command center an DICT ngan COMELEC para ig monitor ngan ig-counter attack an mga misinformation ngan disinformation nga maguba ha kredibilidad han piniliay.
