TACLOBAN CITY – Maabot na ha 100% an kaandaman han Department of Education (DEPED) para han nakatalaan nga pagdumara han Eastern Visayas Regional Athletic Association (EVRAA) Meet yana nga maabot nga bulan han Abril.
Sumala kan Cesar Verunque, Regional Chief and Sports Coordinator, nga nagkaada na hin ikatulo ngan urhi nga board meeting ngan ada na gihapon hira ha final stretch han ira preparasyon.
Ha pagkayana in plantsadao na an ira mga preparasyon tikang ha mga playing venues, sports equipment, billeting areas ngan iba pa.
Nagsudoy na gihapon an mga superintendent han kada divisio ha EVRAA host ha Ormoc City ngan maupay an dalagan han ira preparasyon ngan waray may naiireport nga problema.
Nahibaruan nga nakatalaan nga pagdumaraon an EVRAA meet yana nga Abril 7-12 kun diin maabot 10,000 nga mga atleta ngan staffs tikang ha magkadirudilain nga delegasyon an nakatalaan nga tumambong ha mao nga paisan-isan.
Magkakaada gihapon hin aktibidad kaparte han EVRAA meet usa kasemana san-o an nakatalaan nga schedule hini.
