NATIONAL NEWS– Magpapadayon ha Lunes, Hunyo 22, an pre-trial conference para ha impeachment case ni Vice President Sara Duterte mahuman nga waray makumpleto an tanan nga ebidensya han magkalauyo nga kampo.
Ine an ginkompirma ni Atty. Michael Poa, tagapagyakan han defense panel ni VP Sara, mahuman an gindumara nga closed-door pre-trial conference.
Sumala kan Poa, nahuman pala nira nga markahan an mga ebidensya para ha usa nga artikulo han impeachment ngan mayda pa 3 nga nasasalin nga paghihingadayan ugsa nga magtikang an hearing.
Kalakip ha Article III an mga alegasyon han bribery, graft and corruption, pagtalapas ha Konstitusyon, ngan betrayal of public trust kontra ha Bise Presidente.
Dugang pa hine, naglalaom hira nga mahuhuman an bug-os nga proseso ha Lunes, pero andam naman nga bumalik an mga ine ha adlaw han Martes.
Gin-esplikar ni Poa nga makuri pa matudlok kun sano mahuhuman an pre-trial dahil ha kadamo hion mga dokumeno nga kinahanglan panginanuon ngan markahan para ha iba pa nga mga artikulo han impeachment.
Ha kaluyo hine, nagtutuo an defense team na posible la gihapon nga masunod an target ha pagtitikang han impeachment trial ha Hulyo 6.
Nagkasabot naman an depensa ngan prosekusyon ha ira tagsa-tagsa nga listahan han mga testigo.
Ginbabana-bana naman nga maabot ha25-30 nga testigo an ig-aatubang han kampo ni Duterte, kalakip na an pira nga mga reserve witnesses.
Ginklaro pa ni Poa nga normal la an mga argumento ngan diskusyon ha butnga han depensa ngan prosekusyon ha panahon han pre-trial ngan waray bisan anu nga personal nga kaisugon ha butnga han duha nga kampo.
