NATIONAL – Gin babantayan han Department of Health (DOH) an posible nga kaso han typhoon fatigue ha mga biktima han bagyo ngan rescuers ha butnga han susrunod nga kalamidad ha nasud.
Sumaa kan Health ASec. Albert Domingo, padayon nira nga ginta-track an typhoon fatigue o burnout.
Gin aghat naman an mga health personnel nga maghatag hin counselling bisan 5 minutos la ha mga indibidwal nga nagpapabilin ha mga evacuation centers.
Kinahanglan daw gihapon hin mental health follow-up para ha mga evacuees nga mayda pre-existing conditions o nakaka-eksperyensya hin trauma mahitungod ha bagyo.
Ada naman na ha proseso han DOH an pagpapahusay pa han mental health monitoring ngan recording para ha depression ngan iba pa nga mental health conditions.
Gin aaghat naman an mga biktima han bagyo nga tumawag ha crisis hotline nga 1553 kun kinahanglan han mga ine hin makaka-istorya.
