Igin suhestyon ni South Korean President Lee Jae Myung an pakikig-istorya ha North Korea agud pormal nga humanon an maiha na nga Korean War, nga nagpapabilin nga waray pinal nga peace treaty mahuman an 1950-1953 conflict.
Ha iya pahayag, pwede gihapon pag-istoryahan pinaagi hini an mga pitad agud mapugngan an padayon nga pagpapahaluag han nuclear capabilities han Pyongyang.
Nagpapabilin nga ada ha teknikal nga estado an kasamok han duha nga nasud mahitungod nga mahuman an kasamok dida han 1953 pinaagi na ha armistice agreement ngan dire usa nga peace treaty.
Samtang, padayon nga nagtitikakusog an sumpayan han North Korea ngan Russia, ngan iginduon han Pyongyang nga usa ini nga “irreversible” nuclear state.
Pauru-utro gihapon nga dire ginkakarawat han North Korea an mga pag-aghat ni Lee nga makig-istorya hin waray pauna nga kondisyon. Lugod, ginpakusog hini an military ties ha Moscow, kaupod an paghahatag hin tropa ngan mga bala para ha kasamok han Russia ha Ukraine kabalyo han financial, food, energy, ngan military technology support.
Ginlalauman gihapon nga mabisita ni North Korean leader Kim Jong Un ha Russia ugsa mahuman an tuig agud posible nga paghingadayan an kadugangan nga suplay han armas ha Moscow.
