NATIONAL–Sinmurender ngan dayon nga nagpiyansa hi Porac Mayor Jaime Capil ha korte ha Pasig City.
May kalabutan ini ha kaso hini nga 7 counts han graft kun diin upod niya an abogado niya nga nagbayad hin piyansa nga umabot hin P630-K.
Matungod hini in waray na ginpagawas han korte an arrest warrant kontra ha alkalde.
Naka-iskedyul naman an arraignment para ha pre-trial han kaso yana nga ika 11 han Disyembre. Syahan nga ginpahayag ni Capil nga diri ini nagtitinago ngan nasunod ini ha balaod.
Ginpasalamatan naman hine an iya mga taga suporta, kasangkayan, ngan pamilya. Mababaruan nga han Abril, ginpalusad han Office of the Ombudsman hi Capil matungod ha gross neglect of duty nga mayada kalabutan ha operasyon han POGO hub nga Lucky South 99.
Ha kaluyo nga suspendido in nagdaog la gihapon ine kumo alkalde han May 2025 elections.
