Gin aaghat ni Pope Leo XIV an mga Katoliko nga diri magin manhid o paralisado ha kahadlok ha butnga han nagpapadayon nga gyera ha iba-iba nga parte han kalibutan, kundi in maningkamot para ha kahimyangan.
Ha iya homily han Easter vigil mass ha St. Peter’s Basilica dida han Sabado han gabi, in gin tagan duon han Santo Papa an kadelekadohan han nagpapadayon nga kawaray pagtapod nga nag guguba ha relasyon han mga nasud.
Dugang pa hini, an kawaray pagtapod ngan kahadlok in an rason han gyera, injustice, ug pagburublag han mga tawo ngan nasud.
Ha kaluyo han diri hini pag ngaran hin partikular nga nasud ha iya homilya, in kilala hi Pope Leo kumo vocal nga kritiko han nahihinabo nga gyera ha Middle East.
Dida han nakalabay nga semana, maisog hini nga igin pahayag an diri pag abuyon han Diyos ha mga pag-ampo han mga leader nga nagpatikang han gyera nga may-ada mga kamot nga puno hin dugo.
Samtang, direkta nga umapela hi Pope Leo kan US President Donald Trump dida han Martes, ngan humangyo hin “off-ramp” o paaagi agud dayon na nga ig undang an gyera.
