-- Advertisements --
INTERNATIONAL NEWS– Nagpahayag hin pagkasubo hi Pope Leo XIV mahuman an pagkamatay han 3 katawo samtang an mga ine nakiki-ukoy ha Simbahang Katolika ha Gaza City.
Dugang pa hine, duro hiya nga nababaraka ngan nasusubo ha ginhimo nga airstrike han Israel ha Holy Family Church.
Ha nasabi nga insidente, mayda 9 nga iba an nasamaran kalakip na an Kura Paroko.
Aminado naman an foreign ministry han Israel nga waray nira tuyu-a nga maigo an religious site labi na nga may madadamay nga mga sibilyan.
Matungod dinhi, utro nga nanawagan hi Pope Leo XIV hin maiha nga ceasefire ha butnga han Israel ngan Hamas.
