INTERNATIONAL NEWS- Nanawagan hiton pag-ampo an lider hiton Simbahang Katolika nga hi Pope Leo XIV ha mga biktima han Super Typhoon Uwan nga umigo ha Pilipinas partikular ha Luzon
Mababaruan nga duha an kumpirmado nga namatay ngan sobra usa ka-milyon nga mga residente an nagbakwit tikang ha mga hagmubo nga lugar ugsa mag landfall an bagyo ha probinsya han Aurora kagabi.
Ha iya senemana nga Angelus prayer ha St. Peter’s Square, ginpahayag hiton Santo Papa nga iya gin-aampo an mga ginbayaan nga pamilya han namatay ngan adton mga nasamaran ngan nawad-an hiton panimalay.
Kadungan hine, nanawagan gihapon an Santo Papa nga ig-undang na an giyera ha magkalain-lain nga parte han kalibutan, gin-aghat hine an mga nasud nga igduso an kamurayaw nan negosasyon imbes nga kasamok.
