-- Advertisements --
INTERNATIONAL – Ginkumpirma han Holy See Press Office nga nagin maupay an ika-10 nga adlaw han pagpapaupay ni Pope Francis ha Gemelli Hospital ha Rome, kun diin ini in nagpapatambal han double pneumonia.
Dida han Domingo han gab-i, ha ginpaangbit nga update han Holy See ha publiko in padayon nga aada ha kritikal nga kondisyon an santo papa pero waray naman ini nae-eksperyensiyahan nga respiratory crises.
Samtang, nakakarawat na gihapon hi Pope Francis hin blood transfusions agud mapahitaas an iya hemoglobin levels.
Manunumduman nga kakulop in nakiparte hi Pope Francis ha ginbuhat nga Misa ha iya apartment ha Gemelli Hospital kaupod an iya doctor ngan nurse nga nag-aatiman ha santo papa.
