-- Advertisements --
INTERNATIONAL – Gin-aghat ni Pope Francis an mga politiko han Lebanon nga magpili na hin bag-o nga presidente.
Subay han nagin pahayag han Santo Papa, importante nga magkaada hin lider an Lebanon agud magin hapsay na an nasabi nga nasod ngan malikyan an samok.
Ha pagkayana in waray pa presidente an Lebanon katapos han termino ni anay President Michel Aoun tikang pa han nakalabay nga Oktubre 2022.
Samtang, gintipahan naman han oposisyon nga partido ngan grupo nga Hezbollah militants an panawagan han Santo Papa.
