TACLOBAN CITY – Ginselibrar ka kulop nga adlaw han Philippine Commission on Population POPCOM, an ika-8 katuig han ika-100-M, nga symbolic babies ha bug-os nga nasod Pilipinas.
Sumala kan Reyan Arinto, Information Officer han POPCOM Regional Officer 8, nga an mao nga mga baby in natawo han July 27, 2014, ngan ha mao nga petsa, in umabot na ha 100-M, an popolasyon han Pilipinas ine in subay ha Philippine Statistics Authority PSA.
Dugang pa han mao nga opisyal, nga ha mao nga petsa in naghimo hira hin symbolismo kumo hinumduman, nga umabot na ha 100-M, an katawhan ha bug-os nga nasod.
Sanglit, nga an tanan nga natawo nga mga babies ha 12:01 han mao nga petsa in ginkonsidera nira nga symbolic babies.
Ginmalatumat han mao nga opisyal, nga pumili hira ha kada probinsya hin tag-usa nga baby kumo symbolic baby, kun diin dinhe ha rehiyon-8, in mayda maabot 6 nga mga babies an ira ginpili, an mga ine in tikang ha, Catarman N.Samar, Borongan E. Samar, Catbalogan City Samar, Tacloban City, Tanuan Leyte ngan San Juan Southern Leyte.
Ka-kulop nga adlaw in an ira ika-8 nga kaadlawan, kun diin syahan naman nga higayon nga nagka-urusa an mga ine dinhe ha syudad han Tacloban.
Ha mao nga katitirok in ginhimo han buhatan nga magin mahinungdanon para ha mao nga mga symbolic babies an ira ika-8 birthdays.
Mababaruan nga hapagkayana in maabot na ha 107-M an katawhan ha bug-os nga Pilipinas.
