Iginpahayag ni Presidente Ferdinand R. Marcos Jr. nga an pondo tikang ha mga ginkansela nga proyekto ha flood control para ha tuig-2016 in igre-realign ha mga prayoridad nga sektor sugad han edukasyon, panlawas, agrikultura, pabahay, imprastraktura, ICT, factory, serbisyo pankumunidad, ngan enerhiya, kadunga han paghahatag hin klaro nga “menu” han paggagamitan agud magserbi nga giya para ha mga magbabalaod.
Ginmalatumat han Presidente nga mayda na klaro nga “menu” agud masigurado nga maupay ngan sakto an paggastos han mga pondo nga utro ig alutaga ha national budget para ha masunod nga tuig.
Pag-eksplikar pa hine, an nasabi nga “menu” in magseserbi nga hiya ha mga magbabalaod ha paghimo han mga pagbabag-o ha budget.
Dugang pa, ine an syahan nga pitad tikadto ha mas klaro nga transparency ngan pagbaton ha pag-aalutaga han pondo han gobyerno, kasunod han mga isyu nga gumawas di pala maiha kasumpay ha iregularidd ha paggastos ha mga proyekto nga pan-imprastraktura.
