NATIONAL – Umabot na ha P34.099 trillion an kabug-usan nga yaman han financial system han Pilipinas, subay ha preliminary data han Bangko Sentral ng Pilipinas (BSP) kutob Mayo han tuig-2025.
Mas hitaas ine hin 6.16% kumpara ha P32.119 trilyon dida ha parehas nga bulan han nakalabay nga tuig.
Basar pa ha BSP, an P28.228 trillion o 82.78% in tikang ha mga bangko, samtang an nasasalin nga P5.871 trillion (17.22%) in kapot han mga nonbank financial institutions.
Universal ngan commercial banks (UKBs) an mayda pinakadako nga parte han resources han mga bangko, nga mayda kabug-usan nga P26.202 trilyon o kaparehas han 92.82% han kabug-usan nga yaman han banking sector—humitaas naman ine hin 5.65% tikang dida han Mayo 2024.
Samtang, an mga nonbank financial institutions in may-ada kabug-usan nga assets nga P5.871 trillion kutob Disyembre 2024, ngan humitaas hin 3.80%.
Sakop han nonbank sector an mga investment houses, financing ngan investment companies, pawnshops, NSSLAs, pati na gihapon an mga institusyon sugad han SSS, GSIS, ngan mga insurance companies, kaupod an pira nga korporasyon han gobyerno sugad han PhilGuarantee ngan Small Business Corporation.
