NATIONAL NEWS– Nanindugan hi Vice President Sara Duterte nga dire angay piriton an mga Senador nga umatras kumo judge ha iya impeachment trial matungod la hiton political bias.
Ginmalatumat ni VP Duterte nga kun an basaran in pag-inhibit matungod ha iya pagigin kaalyado, kinahanglan gihapon i-inhibit an mga Senador nga lantaran nga nabalabag ha iya pananglitan nala kan Senator Risa Hontiveros.
Sumala naman kan San Juan Rep. Ysabel ”Belle” Zamora, usa ha mga House prosecutors, nga an recusal o inhibition in kinahanglan tikang ha mga Senador, partikular na kun mayda makikit-an nga partiality.
Dugang pa hine, waray pa kasiguraduhan kun hahangyuon han Kamara an inhibition han pira nga mga Senador, pero abre an mga ine ha opsyon kun makakabulig ine nga magin maupay an resulta hiton impeachment.
Gindayaw gihapon ni Zamora an mga Senador sugad kan Hontiveros nga bumalabag ha pagbalik hiton Articles of Impeachment ha Kamara.
