NATIONAL – Iginkalipay ni Pres. Ferdinand Marcos Jr., an paghinay han inflation rate ha nasud dida han Agosto mahuman nga humamubo ha 3.3% tikang ha 4.4% dida han Hulyo.
Sumala kan Pres. Marcos, dako an nagin papel han mga iginpatuman nga polisiya ha suplay han agricultural products ngan pagkaon para huminay an paghitaas han presyo han mga papliton ngan sugadman serbisyo ha nasud dida han nakalabay nga bulan.
Pamatuod ini nga an paghinay han rice inflation ha 14.7% tikang ha 20.9% in epekto han iginpatuman nga pagiban ha taripa han imported nga bugas.
Samtang ginsigurado naman ni Pres. Marcos an padayon nga pagkiwa han gobyerno agud makab-ot an mas komportable nga kinabuhi, ha pamamaagi han paghahatag hin dekalidad nga trabaho ngan barato nga papliton.
