-- Advertisements --
TACLOBAN CITY — Ginpanmumusil han mga waray pa kakilal-e nga mga suspek an police station han Palapag, Northern Samar.
Sumala kan PLt. Neil Fernandez, OIC Chief of Police han Palapag MPS, nga kagabihon han tigda nala nga ginpauranan hin bala an ira police station.
Dayon naman nga bumulos an kampo han mga kapulisan ngan nagpauran gihapon hin bala ha mga suspek nga nagresulta ha pagkalagiw han mga ini ha magkadurudilain nga direksyon.
Humagos hin 5 ka minutos an nagin balyuay hin boto han magkaluyo nga panig kun diin maswerte naman nga waray magbilin hin casualties/injured ha kapulisan.
Ha pagkayana in nagpapadayon an ira hot pursuit operation ala kontra ha mao nga mga armado nga grupo.
