SPORTS – Iginkokonsideras ni Philippine Olympic Committee (POC) President Abraham “Bambol” Tolentino nga usa nga yaman han world pool an pambato han nasud nga hi Carlo Biado.
Kasunod ine han pag-kampeon ni Biado ha 2025 Wold Pool 9-Ball Championship nga gindumara ha Saudi Arabia.
Ginmalatumat ni Tolentiono nga importante nga igselebrar an kadaugan ni Biado mahitungod nga ine la an nag-uusaan nga player nga duha kabeses nga nagkampeon ha 9-ball championship.
Ginperdi ni Biado hi Russian-American Fedor Goorst ha score nga 15-13 ha final round.
Tuig-2017 han magkampeon gihapon hi Biado ha kaparehas nga torneo nga gindumara naman ha Doha, Qatar.
Manunumduman nga pira nga Pinoy an nagkampeon na gihapon ha nasabi nga torneo sugad han Efren ‘Bata’ Reyes nga nagdaog dida han 1999 ha Cardiff; Ronnie Alcano nga ginbuhat ha nasud dida han 2006, Francisco “Django” Bustamante dida han 2010 nga ginbuhat naman ha Doha.
