NATIONAL NEWS– Waray pa kompirmasyon ha Philippine National Police nga igpanhimwa an pahayag ni Senator Rodante Marcoleta nga naka-karaat ine hin impormasyon kanit ha posible nga pagpapagawas hin warrant of arrest ala-kontra ha iya.
Ginmalatumat ni PNP Public Information Office Chief Allen Rae Co, an pag-isyu han warrant in ada ha hurisdiksyon han mga maghurukom, ngan dire obligasyon han pulisuya nga maghatag hin impormasyon kasumpay ha warrant han mga hukmanan.
Sugadman, ginsigurado han PNP nga dayon nira igsesrebi ine kun magin abelable na ngan nasusubay a sakto nga proseso alinsunod ha ilarom han bakatakang balaod.
Ginpaangbit naman ni Interior Secretary Jonvic Remulla, nga ugsa magkamayda hin arrest warrant, kinahanglan anay nga mayda nakasumiter nga kaso ha korte.
Ngan hapagkayana, waray hiya nahihibaruan nga nagpasaka hin kaso ala-kontra kan Marcoleta ha Sandiganbayan nga pwede magresulta ha pagpapagawas hin warrant.
Manunumduman, una na nga ginpahayag ni Marcoleta, ha usa nga interview nga andam hiya nga sumurender ha mga otoridad pananglitan hiya in arestuhon.
Kasumpay ine ha mga reklamo nga plunder ngan indirect bribery nga ginkakanit ha iya nga dire pagdedeklara han pira nga campaign contributions tikang ha pira nga mga indibidwal.
Gindiwara naman ine ni Marcoleta an mga alegasyon ngan nagdig-on nga hinimo la an nasabi nga kaso.
