TACLOBAN CITY — Guinpauranan hin bala an grupo han Giporlos PNP ha boundary han Brgy. Paya ngan Sitio Salvacion Brgy. Biga, Giporlos Eastern Samar.
Nahibaruan nga an grupo han PNP Giporlos nga sakay han Police Patrol in tapakadto ha Eastern Samar Provincial Office para ha usa nga seminar han PDEA.
Sumala kan PCInsp Clark Charavia, hepe han Giporlos PNP, nga samtang guibusubay an mao nga lugar in tigda nala nga may bumuto ha kaluyo nga lane.
Ha guindumara nga imbestigasyon han mga kapulisan, nahibaruan nag nakasulod an mao nga Improvise Explosive Device (IED) ha plastic nga tubo.
Dugang pa han mao nga opisyal nga umabot hin 20 minuto an naging balyuay han buto ha magkaluyo nga kampo kun diin napaatras hini an unidentified lawless elements.
Samtang, nakit-an naman ha guinbuhat nga ocular inspection ha crime scene an magkadairudilain nga klase hin bala ngan pira la kametros in nakit-an guihapon an kan-on nga nakaputos ha dahon han saging nga nangangaruyag signgon nga nag-iha pa an mga armado nga grupo.
Sugad man, waray naman samaran ha kampo han kapulisan.Suspetsa naman han Giporlos PNP nga New Peoples Army an nagpaluyo ha natura nga insidente.
