NATIONAL – Nakatutok an imbestigasyon han Philippine National Police (PNP) ha kun hin-o an hitman nga gin kontak ni Vice President Sara Duterte nga ginmanduhan hine nga pumatay kan Presidente Ferdinand Bongbong Marcos Jr., 1st Lady Liza Marcos, ngan House Speaker Martin Romualdez in kaso mauna daw hiya nga igpapatay.
Manunumduman nga ginbul-iwan han bise-presidente an magbug-at nga pulong han magdumara ine hin virtual media briefing, dida han nakalabay nga Sabado.
Pero sumala kan Duterte, dire ine direkta nga hulga mahitungod nga sugad daw han ginyakan niya nga uukabon niya an patay nga lawas ni anay Presidente Ferdinand Marcos Sr. ngan iglalabog ha West Philippine Sea, dire daw karuyag sidngon nga ginyakan niya in aktwal ine niya nga bubuhaton.
Samtang, gin klaro naman ni CIDG Director PBGen Nicholas Torre III, nga an direktiba ni PNP Chief Gen. Rommel Francisco Marbil in imbestigaran an insidente ngan dire an bise-presidente.
Ha pagkayana, sumala kan Torre, nagtitikang na an CIDG ha ira motu propio investigation ha nasabi nga insidente.
