NATIONAL – Utro nga nagpahimatngon an Philippine National Police (PNP) ha mga private security training agencies kontra ha paggamit hin litrato o anuman nga representasyon han mga pulis ha ira mga ads ngan promotional materials.
Subay ha Memorandum Advisory No. 020 nga ginpagawas dida han Mayo 27, 2025, igindidire an paggamit han litrato han mga unipormado nga pulis o dire naka-uniporme ngan pulis ha mga flyers, brochures, banners, ngan online posts agud malikayan an sayop nga impresyon han suporta o koneksyon ha PNP.
Gin suhestyunan han PNP Supervisory Office for Security and Investigation Agencies (SOSIA) an mga training agency nga tanggalon an sugad nga materylaes ngan sumunod ha sakto nga paggamit han mga police insignia ngan uniporme.
Nagpahimatngon gihapon an PNP nga posible suspendihon o bawion an lisensya han mga dire masunod ha patakaran.
