Gin aandaman han Philippine National Police in kaso maparehas ha Indonesia ngan Nepal an mga gios-protesta o demonstrasyon ha Pilipinas mahitungod ha kontrobersiya kasumpay ha korapsyon ha flood control projects.
Sumala kan PNP acting chief Police Lieutenant General Jose Melencio Nartatez Jr., mayda naka-andam nga security plans para ha pag-pugong, pagkontrol ha katawhan, ngan ha pagsigurado ha seguridad.
Mayda gihapon kapot nga impormasyon national police ha pwede magamit ha ira operasyon.
Padayon gihapon nga babantayan han PNP an peace and order ngan safety han bug-os nga nasud.
Manunumduman nga dida han nakalabay nga mga adlaw in nagdumara an pira nga grupo hin gios-protesta ha butnga han mga nahipatik nga korapsyon ha flood control projects han gobyerno samtang damo nga lugar ha nasud an nalunod han haluag nga pagbaha tikang ha mga makusog nga pag-uran dida han mga nakalabay nga bulan.
