Mas ginpakusog pa han Philippine National Police (PNP) an ira mga pagbabantay ha mga gas stations mahuman nga makakarawat hin report nga pira nga mga gasolinahan an nag-undang han ira mga operasyon ha butnga han nagpapadayon nga krisis ha produkto nga petrolyo.
Sumala kan PNP Chief PGen. Jose Melencio Nartatez Jr., ginmanduhan na niya an mga hepe han pulisya nga dayun makigsumpayan ha mga lokal nga gobyerno ngan magin ha Department of Energy (DOE) agud hibaruon an mga posible nga rason han tigdaay nga pagsasara han mga nasabi nga gasolinahan.
Dugang pa hini, kun usa nga illegal scheme o paningabot an rason han tigdaay nga pagsasara hini, lauman na an magigin pag-aksyon han pulisya kasumpay hini.
Samtang, syahan hini in manunumduman nga naghangyo na hin assistance an Energy Department ha kapulisan para ha pagdakop han mga gas station nga masingabot ha sitwasyon ha Middle East agud magpahitaas han presyo han waray anunsyo tikang ha ira ahensya.
Kasunod hini, ginsigurado naman han PNP nga mayda nakaandam nga contingencies an ira organiasyon agud masiguro nga magpapabilin la gihapon an peace and order ngan dire ini maapektaran han kasamok.
