Gin manduhan ni PNP Chief General Jose Melencio Nartatez Jr. an mga yunit han pulisya nga panginanuon an mga nagpapadayon nga protokol ha pagbaton ha mga hulga han bomba ha iskuylahan.
Sumala kan Nartatez, kinahanglan siguraduhon nga an mga protocol ha bomb threats in nage-evolve gihapon kasunod han mga hulga nga gin kaka-atubang yana.
Dugang pa, kinahanglan an pagresponde ha mga sugad nga insidente in malaksi, an mga tawuhan hini in gin hag-id ngan an kapabilidad han mga ini ha pag-iimbestiga in madig-on agud matudlok an mga responsable ngan mapugngan an mga kaparehas nga insidente.
An nasabi nga direktiba han Top Cop in kasunod han duha nga insidente han bomb threats ha duha nga pangunahon nga unibersidad ha Metro Manila nga umabot ha pagbakwit han mga istudyante ngan suspensyon han mga klase.
Nabaruan nga nahitabo na gihapon an sugad nga klase hin insidente ha iba pa nga mga iskuylahan ha mga probinsya hini dida han nakalabay nga bulan.
Sumala kan Nartatez, ira tutudlukon kun an mga insidente in konektado ngan gin sigurado nga masisirotan ha balaod an mga nagpapaluyo hini.
.jpg "PCO, pahuhugton an pakikigbinuligay ha media kontra fake news")
