NATIONAL–Ginmando ni Philippine National Police (PNP) Acting Chief PltGen. Jose Nartatez Jr. an mas mahugot nga imbestigasyon kasumpay ha nahitabo nga shooting incident ha Sibulan, Negros Occidental nga nagdurot han pagkamatay han 4 ka indibidwal kalakip an 3 ka pulis.
Sumala kan Nartatez, dapat la na an igbubuhat nga imbestigasyon han Polcie Regional Office Negros Island Region (PRO-NIR) in kaya mabaton an ngatanan nga anggulo ha insidente ngan tagan hin duon nga waray dapat magin cover up ha magigin hilarom nga panginano han mga imbestigador ha panhitabo.
Ginpahinumdom naman han hepe an mga commanders nga magpatuman hin mas strikto nga pagbabantay ha ira mga katawhan para mapabilin an disiplina ha ira ranggo.
Ginmalatumat gihapon hini nga dapat nagbubuhat gihapon hin sakto nga monitoring an mga ini ha ira mga nasasakopan ngan dayon nga gumios kun mayada makikit-an nga panihitabo kasumpay hiton ira pagtalapas o misconduct ha ira mga tinaglawas.
Mababaruan naman nga han Biyernes han gab i, in nagkamayada hin usa nga shooting ha usa nga bar ha Sibulan kun diin nahiupod an usa nga pulis nga namusil hin usa nga babayi ngan 3 ka pulis.
