NATIONAL NEWS– Gin-iimbestigaran na han Philippine National Police-Anti-Cybercrime Group (PNP-ACG) an nagpapaluyo han deepfake video ni Pangulong Ferdinand Marcos Jr nga nag-eendorso hin online trading platform.
Ginmalatumat ni PNP-ACG director Brig. Gen. Bernard Yang nga nakikipagsumpayan na an ira imbestigador ha magkalain-lain nga social media sites.
Iginpre-preserba na nira an digital footprints kumo ebidensiya para ha case filing.
Dugang pa hine, mayda na hira mga nakilala nga indibidwal nga nagpapaluyo han paghimo han deepfakes videos kun diin ginpapangamit han mga ine an mga kilala nga mga personalidad.
Pagsigurado hine, dayon nira ine nga iimbestigaran ngan papasakahan hin kaangayan nga kaso an responsable han pagpapasarang han mga deepfake kun diin ginhihimuan na ine hin mga cyber warrant.
