Andam na an Philippine National Police-Criminal Investigation and Detection Group nga ipatuman an warrant of arrest kontra kan Senator Rodante Marcoleta, kun magpagawas an Sandiganbayan.
Sumala ha PNP, may mga protocol na nira para ha posible nga pagkakadakop ha senador.
Ginmalatumat ni PNP Public Information Office Chief Col. Allen Rae Co nga kun aada ha sakob han Senado hi Marcoleta ha oras nga maipagawas an warrant, makikipag-sumpayan anay an mga otoridad ha pamunuan han Senado ugsa ini ipatuman.
Nauna na nga nagsumite hin kaso nga plunder an Office of the Ombudsman kontra kan Marcoleta ha Sandiganbayan, kasumpay ini han dire pagdeklara han Senador han P75 million campaign contributions ha iya Statement of Campaign Expenditures dida han 2025 senatorial elections.
