NATIONAL- Gintangal na ha pwesto hi Police General Nicolas Torre III kumo hepe han Philippine National Police (PNP), subay ine ha kamanduhan nga ginpagawas han Office of the President nga pirmado ni Executive Secretary Lucas Bersamin.
An pagbabag-o in epektibo yana nga adlaw, kun diin ginmanduhan hi Torre nga siguraduhon nga magigin hapsay an pag-turn over han mga dokumento ngan impormasyon tikang ha iya opisina.
Hi Torre in gintudlok kumo PNP Chief hadton Mayo 29, 2025, ngan ha ilarom han iya liderato ha pulisya, pira nga mga high-profile nga operasyon an nagresulta han pagkaka-aresto kan anay Pangulong Rodrigo Duterte ngan Kingdom of Jesus Christ leader Apollo Quiboloy.
An tigdaay nga pagbabag-o han liderato han PNP in kaparte han haluag nga reporma ha han-ay hiton kapulisan.
