Gin manduhan ni PNP Chief General Jose Melencio Nartatez Jr. an mga lokal nga pulis nga mahugot nga ig-monitor an mga retailers agud malikayan an hoarding ngan manipulasyon ha presyo ha butnga han ginkakaatubang han nasud kasumpay ha enerhiya.
Dugang pa hini, mayda maupay nga koordinasyon ha mga lokal nga gobyerno ngan iba pa nga hintutuinan nga ahensya agud makabug-os hin mga pitad kontra ha hoarding ngan profiteering.
Subay ha imbentaryo ngan inadlaw ngan average han paggamit han Department of Energy (DOE), an liquefied petroleum gas (LPG) an mayda pinakahamubo nga suplay ha Pilipinas kumpara ha mga produkto nga petrolyo sugad han gasolina ngan diesel.
Sanglit mahugot nga ginbabantayan han DOE an suplay han LPG nga posible la mag-iha hin kutob 24 kaadlaw, kaupod an mga tiarabot nga delivery.
Mababaruan nga an presyo han LPG yana nga bulan ha Metro Manila in ada ha butnga han P825 kutob sobra P1,000 kada regular nga tangke, subay ha DOE.
Sugadman, ginsigurado ni Nartatez ha publiko nga dire ini an oras agud mag-panic ngan singabuton an publiko mahitunagod nga ginbubuhat han gobyerno an ngatanan han pitad agud makabulig, samtang ginsigurado han Philippine National Police ngan an ngatanan han konsumidor in pirmi protektado.
